काठमाडौं । टिभी रियालिटी शो ‘शार्क ट्याङ्क’ हिमालय टिभीको युट्युब च्यानलमा फिर्ता भएको छ । केही दिनदेखि हिमालय टिभीको च्यानलबाट शार्क ट्याङ्कका फुल एपिसोडहरू गायब भएका थिए ।
निर्माण स्रोत अनुसार प्राविधिक समस्याका कारणले शार्क ट्याङ्कलाई केही दिन प्राइभेट गर्नु परेको हो । समस्या समाधान भएर फेरि आजबाट सबै एपिसोडहरू पब्लिक भइसकेको स्रोतले बतायो ।
टिभीमा प्राइभेट गरेपछि ‘शार्क ट्याङ्क इन्डिया’ को युट्युब च्यानलमा शार्क ट्याङ्क नेपालका एपिसोडहरू अपलोड गरिएका थिए । अब भने दर्शकले हिमालय टिभीबाटै हेर्न पाउने छन् ।
बिजनेस रियालिटी शो शार्क ट्याङ्क पहिलो पटक नेपालमा हिमालयले टिभीले भित्र्याएको हो । लामो गृहकार्यपछि सुरु गरिएको यो रियालिटी शोलाई दर्शकले निकै रुचाएका छन् ।
यो शोमामार्फत ‘शार्क’ को भूमिकामा रहेका ५ विजनेसपर्सनहरुले साना स्टार्टअपहरुसँग सहकार्य गर्छन् । यो सिजनमा एउटै स्टार्टअपसँग ६ करोड सम्मको डिल भएको छ । अहिलेसम्म शार्क ट्याङ्का १४ एपिसोड प्रशारण भइसकेका छन् ।
Leave a Reply