शेखरको आरोप- राजा वीरेन्द्रको सम्पत्तिमा समेत एमालेको आँखा छ, खाली जग्गा त देख्ने नहुने रहेछ

काठमाडौं । नेपाली कांग्रेसका नेता डा। शेखर कोइरालाले निजामती विधेयकमा कुलिङ पिरियड हटाउने खेल एमालेबाटै भएको आरोप लगाएका छन्। काठमाडौंमा आयोजित एक कार्यक्रममा बोल्दै एमालेले छलकपटबाहेक केही नगरेको बताए।

उनले भने, ‘हामीले निजामती विधेयकमा कुलिङ पिरियड राख्नुपर्छ भनेर विधेयक बनायौँ तर त्यसलाई समाप्त गर्ने खेल एमालेबाट सुरु भयो। अहिलेसम्म त हामीले लुकायौँ अब लुकाउनुपर्ने छैन। अब लुकाउनुपर्ने आवश्यकता छैन। राष्ट्रियसभामा एमालेका सांसदहरूले कुलिङ पिरियडको पक्षमा संशोधन प्रस्ताव हालेको छ, माथिको निर्देशन भन्दै, एमाले त छलकपट गर्दो रहेछ। त्यसमा पनि विमति छैन।’

उनले अहिले भूमि सम्बन्धी विधेयक खाली जग्गा मास्ने गरी एमालेले ल्याएको आरोप लगाए।

उनले थपे, ‘जहाँ खाली जग्गा देख्यो त्यहाँ एमालेको आँखा गइहाल्दो रहेछ। गोकर्ण रिसोर्ट हेर्नुस्, राजा वीरेन्द्रको सम्पत्तिमा एमालेको आँखा हेर्नुस्। पोखराको लिचीबारी हेर्नुस्। गिरीबन्धु टी स्टेट हेर्नुस्, जताततै एमालेको मात्रै सुनिन्छ। संघीय मामिला मन्त्रीले त राजीनामा दिनुभयो तर भूमि सुधार मन्त्री अहिले पनि जबरजस्ती पदमा बसिराख्नुभएको छ।’

कास्की एमालेको जिल्ला कमिटीले नै भूमि मन्त्रीको राजीनामा माग समेत कांग्रेसले बोल्न नसकेको बताए।

उनले थपे, ‘अर्को रेशम चौधरीजीको पार्टीको अध्यक्ष पनि बिचौलिया हुनुहुँदो रहेछ। सांसद पनि बिचौलिया भएपछि देशको हालत के हुन्छ होलारु कांग्रेसका सांसदहरूले संशोधन प्रस्ताव हाल्दा भूमि मन्त्रीले स्विकारिराख्नुभएको छैन। आज बैठक नै बस्न सकेन।’

सरकारले ७ बुँदे सहमति अनुसार काम नगरेको भन्दै देशको नेतृत्व अब पनि कांग्रेसले झन् भद्रगोल बन्दै जाने टिप्पणी गरे।