काठमाडौं । नेकपा एकीकृत समाजवादीका अध्यक्ष माधव नेपालले माओवादी केन्द्र र विप्लव नेतृत्वको नेकपासँग पछिल्ला दिनमा भएको भेटबारे पार्टीलाई ब्रिफिङ गरेका छन्।
आज बसेको सचिवालय बैठकमा अध्यक्ष नेपालले माओवादी र नेकपासँग अन्तरपार्टी सम्बन्धलाई सुदृढ गर्ने उद्देश्यले छलफल अघि बढाएको जानकारी गराएको प्रवक्ता प्रकाश ज्वालाले बताए।
अध्यक्ष नेपालको भनाइलाई उदृृत गर्दै उनले भने, ‘हाम्रो पार्टीले माओवादी र विप्लव नेतृत्वको नेकपासहित मोर्चामा रहेका अन्य पार्टीहरूसँग पनि छलफल गरिरहेका छौँ। अन्तरपार्टी सम्बन्धलाई सुदृढ गर्ने, आपसमा रहेका समस्याहरूलाई समाधान गर्ने र सहकार्यलाई सशक्त र बलियो बनाउने, मोर्चालाई प्रभावकारी बनाउने विषयमा केन्द्रित छ।’
बैठकलाई सम्बोधन गर्दै अध्यक्ष नेपालले केपी ओली नेतृत्वको सरकारले एकपछि अर्को गर्दै जनविरोधी काम गरिरहेको आरोप लगाएको पनि बताए।बैठकले सरकार सरकार असफल र असक्षम भएको निष्कर्ष निकालेको पनि सुनाए।
यस्तै, बैठकमा रुपन्देही ३ मा हुने उपनिर्वाचन, सङ्गठन निर्माण, प्रशिक्षण र आन्दोलनका कार्यक्रमबारे पनि छलफल भएको बताए।
Leave a Reply