काठमाडौं । सुप्रमा–ईप्रमा अन्तर्राष्ट्रिय पुरस्कार–२०२५ डा. श्रीधर खनालको ‘सावर्णि’ लाई प्रदान गरिने भएको छ।
अन्तर्राष्ट्रिय नेपाली साहित्य समाज, बेलायत च्याप्टरले उक्त पुरस्कार खनाललाई प्रदान गर्ने निर्णय गरेको हो।
सर्वोकृष्ट घोषित १० पुस्तकहरु मध्येबाट खनालको उपन्यास ‘सावर्णि’ लाई पुरस्कारका लागि निर्णायक समितिद्वारा सर्वसमितिले छनोट गरिएको पुरस्कार समिति संयोजक डा। रुपक श्रेष्ठले जानकारी दिए ।
उनका अनुसार सुप्रमा–ईप्रमा अन्तर्राष्ट्रिय पुरस्कारले नेपाली साहित्यमा उल्लेखनीय योगदान गर्ने साहित्यकारलाई सम्मान गर्दै आएको छ।
पुरस्कारको राशी ५ सय पाउण्ड रहेको छ। २०८१ सालमा एआई र रोबोटिक्समा आधारित उक्त उपन्यास बुक हिल पब्लिकेसनबाट प्रकाशित भएको थियो । ए।आई। र मानव भविष्यलाई नौलो शैलीले प्रस्तुत गरेका कारण रोचक लागेको पाठकहरुले प्रतिक्रिया दिएका थिए ।
उक्त कृतिलाई नेपालकै पहिलो रोबोटिक्स साइन्स फिक्सन पनि दाबी गरिएको छ ।
Leave a Reply