रूपन्देही । नेपाली कांग्रेसले नक्कली द्वन्द्व पीडितको नाममा फाइदा लिने गरी रोल्पामा पार्टीको लेटरप्याड र छाप दुरुपयोग गरेको भन्दै सचेत गराएको छ ।
कांग्रेस जिल्ला कार्यसमिति रोल्पा र विभिन्न तहको नक्ली लेटरप्याड, छाप र हस्ताक्षर प्रयोग गरी आफू कांग्रेसको सदस्य भएको तथा कांग्रेसको गतिविधिमा संलग्न भएको कारण माओवादी कार्यकर्ताले दु:ख र धम्की दिएकाले नेपालमा बस्न नसक्ने भन्दै अमेरिकालगायतका देशमा आउनुपरेको भनी सिफारिस बनाएको र बनाउने प्रक्रियामा रहेको बुझिएको कांग्रेस रोल्पाले जनाएको छ ।
जिल्ला सभापति किशोरकुमार आचार्यले विज्ञप्ति जारी गर्दै यसरी नक्कली सिफारिस बनाइएका वा प्रक्रिया अघि बढाइएकाहरूको विवरणहरू पत्ता लगाई आवश्यक कारबाही थाल्ने बताएका छन् ।
Leave a Reply