काठमाडौं । आउँदो शुक्रबार अर्थात साउनको २३ गतेबाट रिलिजमा आउन लागेको चलचित्र ‘मोहर’ ले पीजी सर्टिफिकेट पाएको छ।
देउकी प्रथामा आधारित यो चलचित्रलाई सेन्सर बोर्डले सोमबार ‘पीजी सर्टिफिकेट’ दिएको हो । अब, यो चलचित्र हेर्न १६ वर्ष मुनीका बालबालिकाले बुवाआमालाई साथमा लिएर जान पाउनेछन्।
फिल्म मेकर्स प्रा.लि.को व्यानरमा निर्माण भएको यो चलचित्रको प्रदर्शन मिति नजिकिएसंगै यतिबेला निर्माण टिम प्रचारप्रसारमा खटिएको छ। चलचित्रको मुख्य अभिनेता शाह चलचित्रको प्रचारका लागी चितवन पुगेका छन् । चितवनमा आयोजना भएका विभिन्न कार्यक्रममा उनी सहभागी भएका छन भने पर्सामा आयोजित एक कार्यक्रममा उनले दर्शकहरुसँग साक्षात्कार गरेका छन् ।
चितवनका दर्शकसँग साक्षात्कार गरेका पल आजै पोखरामा आयोजना हुने कार्यक्रममा दर्शकसँग भेटघाट गर्नेछन। ओम प्रतिकको लेखन तथा निर्देशनमा तयार पारिएको यो चलचित्रको निर्माता चुम्बन जंग शाही हुन् । चलचित्रमा पल शाह, नीति शाह, बेनिशा हमाल, अर्जुन जंग शाही, लक्ष्मी गिरी, सारा शर्मा, रवीन्द्र झा लगायतका कलाकारहरुको अभिनय छ ।
Leave a Reply