कलाम अलि बने चितवन राइनोजका मुख्य प्रशिक्षक

काठमाडौं । कलाम अलि चितवन राइनोजको मुख्य प्रशिक्षक नियुक्त भएका छन् । नेपाल प्रिमियर लिग (एनपीएल) को दोस्रो सिजनका लागि चितवनले अलिलाई मुख्य प्रशिक्षकको जिम्मेवारी प्रदान गरेको हो ।

पहिलो सिजनमा अलि चितवनको सहायक प्रशिक्षक थिए । मुख्य प्रशिक्षकको जिम्मेवारीमा उमेश पटवाल थिए । अलिसँग नेपाल ‘ए’ टीम र बागमती प्रदेशको प्रशिक्षण गराएको अनुभव छ ।

पहिलो सिजनमा चौथो स्थान हासिल गरेको चितवनले कप्तान कुशल मल्लसहित ६ खेलाडीलाई रिटेन गरिसकेको छ । जसमा मल्लसहित रिजन ढकाल, कमलसिंह ऐरी, दीपक बोहरा, अमरसिंह रौटेला र गौतम केसी छन् ।