काठमाडौं । स्टार क्रिकेटर सन्दीप लामिछाने आजबाट २४ वर्ष पूरा गरि २५ औ वर्षमा प्रवेश गरेका छन् । उनले आज अलि पृथक तरिकाले आफ्नो जन्मदिन मनाए ।
त्रिवि क्रिकेट मैदान पुगेका सन्दीपले त्यहाँ कार्यरत ग्राउण्ड स्टाफहरूसँग बर्थ डे सेलिब्रेसन गरेका हुन् । ग्राउण्ड स्टाफ बालबच्चाहरूसँग मिलेर उनले जन्मदिनको केक काटेका थिए ।
सन्दीपले आफ्नो जन्मदिनको खुशी साट्दै ग्राउन्ड स्टाफहरूलाई एकमुष्ट ५० हजार रूपैया सहायता पनि बितरण गरेका छन् । अघिल्ला बर्थडेहरूमा पनि उनले ग्राउण्डस्टाफहरूलाई आर्थिक सहयोग गर्ने गरेका थिए ।
सन्दीप २०५७ साल साउन १७ गते स्याङ्जाको आरूचौरमा जन्मेका हुन् । उनी २०७३ सालदेखि नेपालको राष्ट्रिय टिमबाट खेलिरहेका छन् ।
नेपालको राष्ट्रिय टीम अहिले बन्द प्रशिक्षणमा छ । सन्दीप भने व्यक्तिगत कारणले छुट्टि लिएर बसेका थिए । केही दिनदेखि उनी त्रिवि मैदानमा गएर नेट प्राक्टिस गर्न थालेका छन् ।
उनी दुई तीन दिनभित्र बन्द प्रशिक्षणमा सहभागी हुने बुझिएको छ । त्रिवि मैदान निर्माणाधीन रहेकाले बन्द प्रशिक्षणमा रहेका खेलाडीहरूलाई मुलपानी मैदानमा अभ्यास गराइदै छ ।
Leave a Reply