काठमाडौं । नेपाल क्रिकेट संघ (क्यान) का सचिव पारस खड्काले नेपाल प्रिमियर लिग (एनपीएल) को दोस्रो संस्करण हुनुपर्ने पक्षमा बोर्ड बैठकमा सबैको एकबद्ध धारणा आएको बताएका छन् ।
आज बसेको बोर्ड बैठकपछि बोल्दै सचिव खड्काले सबै सदस्य एनपीएल हुुर्ने पक्षमा रहेको उल्लेख गरे । ‘केही सदस्यहरुले खर्चको विवरण अझै विस्तृत भयो भने हामीलाई सजिलो हुन्छ भन्ने क्रममा एनपीएल अघि बढ्नुपर्छ । एनपीएल हुनुपर्छ भन्नेमा सबैको एकबद्ध धारणा आएको छ’, उनले भने ।
सचिव खड्काले एनपीएलको पहिलो संस्करणको हिसाबकिताब बोर्ड बैठकमा पेस गरेका हुन् । ‘हामीले हिसाबकिताब प्रष्ट राख्यौं’, उनले भने, ‘६–७ महिना लागेको थियो । विभिन्न कारण त्यो राष्टको चर्चाको विषय भयो । नेपाल क्रिकेट संघको स्रोत, आम्दानीदेखि ल्याएर खर्चको सबै विवरण सबै बोर्डलाई पेस गर्नुपर्छ । जुन हामीले पेस पनि गर्यौं ।’
Leave a Reply