काठमाडौं । ईंग्ल्यान्डमा जारी वर्ल्ड च्याम्पियनसीप अफ लिजेन्ड्सअन्तर्गत अष्ट्रेलिया च्याम्पियन्स र पाकिस्तान च्याम्पियन्सबीचको खेलमा हाँस्यास्पद दृष्य देखिएको छ । अष्ट्रेलियाका एक बलरले एकै ओभरमा १८ पटक बल फ्याँके, तर पनि ओभर पूरा गर्न सकेनन् ।
ब्रेट लीको कप्तानीमा रहेको अष्ट्रेलिया च्याम्पियन्स पहिलो ब्याटिङ गर्दै ७४ रनमै अलआउट भएको थियो । सइद अजमलको घातक बलिङमा अष्ट्रेलियाका लिजेन्ड ब्याटरहरु टिक्न सकेनन् । बेन डंकले १४ बलमा सर्वाधिक २६ रन बनाए भने क्यारिम फर्गुसनले १० रन जोगे । अन्य ब्याटरहरु सिंगल डिजिटमै आउट भए ।
पाकिस्तानका अजमल एक्लैले ६ विकेट लिए । इमाद वसिमले दुई तथा सोहेल तनभिर र सोहल खानले एक एक विकेट बाँडे ।
जवाफी ब्याटिङमा पाकिस्तानले कुनै विकेट क्षतिबिना ७.५ ओभरमै लक्ष्य भेट्यो । ओपनर सार्जिल खानले ३२ र सोयब मक्सुदले २८ रन जोडेर अविजित रहे । रोचक घटना चाहिँ आठौं ओभरमा भएको हो ।
प्रतियोगिताको नियम अनुसार प्रत्येक टिमले दोस्रो इनिङमा एक खेलाडी परिवर्तन गर्न सक्छन् । जसअनुसार अष्ट्रेलियाले ओपनिङ ब्याट्यम्सान क्रिस लिनको स्थानमा दोस्रो इनिङमा जोन हास्टिङलाई दोस्रो इनिङमा समावेश गरेको थियो । हास्टिङ आठौं ओभरमा बलिङ गर्न आए र विचित्रको प्रदर्शन गरे ।
पाकिस्तानलाई जितका लागि २० रन चाहिएको थियो । हास्टिङले वाइड बलको वर्षा गर्दै पाकिस्तानलाई सजिलो पारिदिए । सुरुवातमै उनले पाँच पटक लगातार वाइड फ्याके । छैटौं पटकमा बल्ल एउटा बल लाइनमा गयो, जसमा ब्याट्सम्यानले एक रन लिए । त्यसपछिको बलमा बलरले चौका खाए । अनि फेरि सुरु भयो एक्स्ट्राको श्रृंखला ।
यो ओभरमा हास्टिङले १८ पटक बल फ्याक्दा बल्ल पाँच बल पूरा भएको थियो । ओभर पुरा नगर्दै पाकिस्तानले लक्ष्य भेट्यो ।
यस्तो थियो हास्टिङको बलिङ
७.१– वाइड
७.१– वाइड
७.१– वाइड
७.१– वाइड
७.१– वाइड
७.१– १ रन
७.२– ४ रन
७.३– नोबल
७.३– वाइड
७.३– लेग बाइ
७.४– वाइड
७.४– डट
७.५– १ रन
७.६– वाइड
७.६– वाइड
७.६– वाइड
७.६– वाइड
७.६– वाइड
Leave a Reply