काठमाडौं । गैरआवासीय नेपाली संघ (एनआरएनए) राष्ट्रिय समन्वय परिषद् चीनले नयाँ नेतृत्व चयन गरेको छ । आइतबार (जुलाई २७) मा ग्वोन्जाउमा सम्पन्न नवौं राष्ट्रिय महाधिवेशनबाट मुकुन्द ढकाल संघको अध्यक्षमा निर्विरोध निर्वाचित भएका छन् ।
संघको महासचिवमा सुरज न्यौपाने र आईसीसी सदस्यमा निर्मल शर्मा चौलागाईं निर्वाचित भएका छन् । संघले १७ सदस्यीय नयाँ कार्यसमिति समेत चयन गरेको छ ।
उपाध्यक्ष प्रदीप नेपाल र सुरज ब्याञ्जु, सचिव कमल सापकोटा र दिपेश प्रसाई, कोषाध्यक्ष रविरंजन कुशवाह, सह-कोषध्यक्ष रञ्जित उप्रेती, महिला संयोजक सुजता पाण्डेय, युवा संयोजक विशाल श्रेष्ठ निर्विरोध निर्वाचित भएका हुन् ।
अन्य निर्विरोध निर्वाचित सदस्यहरूमा असिम ज्ञवाली, साधना थापा, रोजेन माकाजु, राजकुमार श्रेष्ठ, पुष्कर तिमल्सिना र अनुजा आचार्य रहेका छन् । संघका निवर्तमान महासचिव प्रदीप नेपालले सम्पूर्ण पदाधिकारी निर्विरोध निर्वाचित भएको जानकारी दिए ।
गैरआवासीय नेपाली संघ चीनको नवौं महाधिवेशन नेपाली महावाणिज्यदूत भरत खनालले उद्घाटन गरेका हुन् । समारोहमा अन्तर्राष्ट्रिय परिषद्का सह–कोषाध्यक्ष अमृता थापा, परिषद् सदस्य रोहित अग्रवाल, वाणिज्यदूत सरोज भट्टराई, नेपाल सरकारका प्रतिनिधिहरू, कूटनीतिक नियोग तथा विभिन्न संघसंस्थाका प्रतिनिधिहरूको उपस्थिति रहेको थियो । कार्यक्रम कउद्घाटनको क्रममा संघको स्मारिका ‘मितेरी’को विमोचन समेत गरिएको छ ।
निर्वाचन आयुक्त मित्रलाल सापकोटाको संयोजनमा नवनिर्वाचित पदाधिकारीहरूले सपथ ग्रहण गरिएको संघले जानाएको छ । संघको प्रतिवेदनमा उल्लेख भए अनुसार डेढ दशक लामो गौरवपूर्ण इतिहास बोकेको एनआरएनए चीनले नेपाल र अन्य देशका नेपाली समुदायको हितका लागि उल्लेखनीय कार्य गर्दै आएको छ ।
विपद् व्यवस्थापन, मानवीय सहायता, संस्कृतिक संरक्षण, खेलकुद, चाडपर्व र अन्तर्राष्ट्रिय सम्मेलनहरूमा सहभागिता लगायतका गतिविधिमा संघको सक्रियता रहेको जनाएको छ ।
सपथपश्चात अध्यक्ष मुकुन्द ढकालले ‘नेपालीका लागि नेपाली’ भन्ने नारालाई आत्मसात् गर्दै, सबै नेपालीलाई समेट्ने संघ बनाउने प्रतिवद्धता व्यक्त गरे । चीनमा बसोबास गर्ने सम्पूर्ण नेपाली समुदायसँग सुझाव, सल्लाह र मार्गदर्शनको अपेक्षासमेत उध्यक्ष ढकालले गरे । हाल गैह्र आवासीय नेपाली संघ राष्ट्रिय समन्वय परिषद् चीनमा तीन सय २३ पञ्जिकृत सदस्य रहेका छन् ।
Leave a Reply