स्पेन । गैरआवासीय नेपाली संघ (एनआरएनए) स्पेनको अध्यक्षमा सन्तोष श्रेष्ठ सर्वसम्मत चयन भएका छन् । श्रेष्ठको नेतृत्वमा २२ सदस्यीय नयाँ कार्यसमिति सर्वसम्मत चयन भएको हो । श्रेष्ठ डेढ दशकदेखि स्पेनमा बस्दै आएका छन् । उनी स्पेनमा सफल ट्याक्सी व्यवसायी हुन् ।
स्याङ्जा आँधिखोलाका श्रेष्ठ नेपाली जनसम्पर्क समिति स्पेनका निवर्तमान सभापति हुन् । श्रेष्ठ सामाजिक कार्यमा निकै अग्रसर छन् । स्याङ्जा सहयोग समाज मार्फत उनले थुप्रै सहयोग गरिसकेका छन् । नेपालमा रेयुकाई संस्थामा आवद्ध भएर ग्रामीण भेगमा सिपमुलक तालिम दिदै स्थानीयलाई आत्मनिर्भर बनाउन सक्रिय थिए ।
नवौं अधिवेशनका लागि निर्वाचन समितिले सार्वजनिक गरेको उम्मेदवारहरुको अन्तिम नामावली अनुसार कार्यसमिति निर्विरोध चयन भएको हो । अन्तराष्ट्रिय समिति सदस्य (आईसीसी) मा रोशन पाठक चयन भएका छन् । वरिष्ठ उपाध्यक्षमा सुरेन्द्र भुजेल थापा, उपाध्यक्षहरुमा खुल्ला तर्फ जमुनादेवी सापकोटा, दिपक बस्नेत, महिला तर्फ मालती पन्त, क्षेत्रगत देवराज सापकोटा चयन भएका छन् ।
यस्तै महासचिवमा नवीन घिमिरे, उपमहासचिवमा सुबास बहादुर विष्ट, सचिवमा खुल्ला तर्फ गणेशराज अधिकारी, प्रविन लोहार, क्षेत्रगत दिलकुमारी तामाङ् (म्याड्रिड), नवराज दुवाडि (कोष्टाव्लाङ्का) चयन भएका छन् । यस्तै कोषाध्यक्षमा नारायण प्रसाद सुवेदी, सहकोषाध्यक्षमा सुमन खड्का चयन भएका छन् ।
महिला संयोजकमा लक्ष्मी घिमिरे ९शर्मा०, युवा संयोजकमा दिपिका श्रेष्ठ, युवा उपसंयोजकमा प्रलाद कार्की चयन भएका छन् । यस्तै सदस्यहरुमा मोहनराज गौतम, चन्द्रकान्त पोखरेल, भिमसेन कार्की, विष्णुबहादुर सार्की, सम्बर बहादुर गिरी चयन भएका छन् । जुलाई ३० मा हुने नवौं राष्ट्रिय महाधिवेशनमा नवनिर्वाचित कार्यसमितिले सपथ लिनेछ ।
नवनिर्वाचित अध्यक्ष सन्तोष श्रेष्ठले एनारएनए स्पेनलाई एकताबद्ध, समावेशी, पारदर्शी, र उत्तरदायी संस्थाको रूपमा अगाडि बढाउने प्रतिवद्धता जनाएका छन् । झयो केवल पद प्राप्तिको क्षण होइन, यो हाम्रो साझा यात्राको सुरुआत होञ, सामाजिक सञ्जालमा लेखेका छन्’, ‘सर्वसम्मति स्वयंमा एउटा सशक्त सन्देश हो, हामी अब प्रतिस्पर्धाबाट सहकार्यतर्फ, टुक्रिएको भाषणबाट साझा दृष्टितर्फ, र गुनासोबाट समाधानतर्फ अघि बढ्न तयार छौं।ञ नेपाल–स्पेन सम्बन्ध विस्तार– लगानी, पर्यटन, शिक्षा, व्यवसाय र संस्कृति क्षेत्रको सेतु बन्ने प्रयास गर्ने प्रतिवद्धता जनाएका छन् ।
उनले १८ बुँदे भावी कार्ययोजना पनि उल्लेख गरेका छन् । सीप विकास तालिम,स्पेनीश भाषा कक्षा सञ्चालन, नवआगन्तुक सहायता कार्यक्रम, आपतकालीन राहत कोष, व्यवसायिक प्रवद्र्धन कार्यक्रम,श्रमिक सचेतना तथा कानुनी जानकारी कार्यक्रम लगायतका गतिविधि सञ्चालन गर्ने उल्लेख गरेका छन् ।
Leave a Reply