प्रतिनिधिसभा बैठक १० दिनका लागि स्थगित

काठमाडौं । प्रतिनिधिसभा बैठक १० दिनका लागि स्थगित भएको छ ।

आज बसेको प्रतिनिधिसभा बैठकपछि अब साउन १९ गते दिउँसो १ बजे बस्ने सभामुख देवराज घिमिरेले बताए ।

आजको बैठकमा राष्ट्रियसभामा उत्पत्ति भएको तिलगंगा नेत्र विश्वविद्यालय विधेयक २०८१ माथि विचार गरियोस् भन्नेलगायतको तीन प्रस्ताव पारित गरेको थियो ।

सभामुखले सदन चलाइरहे पनि रास्वपा र राप्रपाले भने भिजिट भिसा प्रकरणमा छानबिन समितिको माग गर्दै निरन्तर विरोध र बहिस्कार गर्दै आइरहेका छन् ।