काठमाडौं । मधेश प्रदेशका पूर्वप्रमुख राजेश झा (अहिराज) पक्राउ परेका छन् । उनलाई भद्रकाली आसपासबाट आइतबार विहान नियन्त्रणमा लिइएको काठमाडौंका जिल्ला प्रहरी प्रमुख एसएसपी विश्व अधिकारीले बताए ।
बालिका बलात्कारको उजुरीका आधारमा काठमाडौं प्रहरीले उनीमाथि अनुसन्धान थालेको थियो ।
जिल्ला प्रहरी परिसर काठमाडौंमा अहिराजविरूद्ध माघ ३ गते नै दर्ता भएको थियो ।
जाहेरी दर्तालगत्तै भागेर भारत गएका उनी केही हप्तादेखि काठमाडौंमै लुकेर बसेको सूचनाका आधारमा उनको खोजी गरिएको थियो ।
आजै उनको म्याद थपिएको छ । अदालतले उनलाई अनुसन्धानका लागि ५ दिनको म्याद दिएको जिल्ला प्रहरी प्रवक्ता एसपी अपिलराज बोहराले बताए ।
जिल्ला अदालतले चैत २५ मा डा. अहिराजलाई पक्राउ अनुमति (पुर्जी) दिएको थियोे । जाहेरवाली, परिवर्तित नाम २६ परिसर ३२ (०८१-०८२) हुन् । जाहेरी दर्ता भएको समाचार सञ्चारमाध्यमबाट सार्वजनिक भएपछि आफूले विभिन्न माध्यमबाट धाक धम्की व्यहेरेको पीडितले बताउँदै आएकी थिइन् ।
अहिराज २०७७ फागुन ७ देखि २०७८ साउन ३२ सम्म मधेस प्रदेश प्रमुख थिए ।
Leave a Reply