काठमाडौं। जागिरबाट राजीनामा दिई लेखापाल पाँच महिनादेखि वैदेशिक रोजगारीका सिलसिलामा देशबाहिर छिन् । तर उनको हस्ताक्षरमा आर्थिक कारोबार जारी भएपछि अजुसन्धान र कारबाहीकाे माग गर्दै अख्तियारमा उजुरी परेको छ ।
नुवाकोटको तारकेश्वर गाउँपालिका-५, कल्लेरीडाँडास्थित शंखादेवी माविकी लेखापाल अनिता तामाङले फागुन १ गते ने राजीनामा दिएकी हुन् ।
तर, प्रधानाध्यापक राजाराम अधिकारीसहितको हस्ताक्षर चल्ने चेकमा अझै राजीनामा दिएकी लेखापाल तामाङको पनि हस्तक्षर देखिएपछि सरोकारवालाले अख्तियारमा उजुर गरेका हुन् । उक्त विद्यालयको बैंक खाता हिमालयन बैंकको गोर्स्याङ शाखामा सञ्चालित छ ।
अन्य सिनियर शिक्षक हुँदाहुँदै गाउँपालिका अध्यक्ष शिव अधिकारीको दबाबमा अधिकारीलाई प्रधानाध्यापकको जिम्मेवारी दिइएको एक शिक्षकले बताए । उनले प्रदेश सरकारबाट विनियोजित ‘सिक्दै, कमाउँदै’ शीर्षकको ५ लाख बजेटमध्ये १ लाख रुपैयाँको लगानीमा एउटा सानो टनेल बनाए बाँकी रकमको हिसाब सञ्चालक समितिलाई दिएका छैनन् ।
अर्को गाउँपालिका बाट वाल लगाउन भन्दै ४ लाख ५० हजार बजेट निकास भए पनि प्रधानाध्यापक अधिकारीले हिसाब दिन नसकेपछि सरोकारवाला अख्तियार गएका हुन् ।
Leave a Reply