काठमाडौं । नेकपा एमालेको पोलिटब्युरो बैठक जारी छ। हिजोबाट सुरु भएको बैठक केन्द्रीय कार्यालय च्यासलमा केही बेरअघिबाट सुरु भएको हो।
आजको बैठकमा विधान महाधिवेशनमा प्रस्तुत गरिने प्रतिवेदनबारे नेताहरूले धारणा राख्ने क्रम चलिरहेको प्रचार विभाग प्रमुख राजेन्द्र गौतमले बताए।
हिजोको बैठकमा आठ जना सदस्यले आफ्नो धारणा राखेका थिए।
यो बैठक सकिए लगत्तै यही साउन ५ गते केन्द्रीय कमिटी बैठक बस्दै छ। यो बैठकले विधान महाधिवेशनमा पेस गर्ने प्रतिवेदनलाई अन्तिम रूप दिनेछ।
एमालेको दोस्रो विधान महाधिवेशन आगामी भदौ २०, २१ र २२ ललितपुरको गोदावरीमा हुनेछ।
अहिले एमालेले पूर्व राष्ट्रपति विद्या भण्डारीले सक्रियता बढाएपछि उमेर हद र दुई कार्यकालको व्यवस्था बहसमा आएको छ। तर, सचिवालय बैठकले यो दुवै व्यवस्था हटाएर केपी ओलीलाई तेस्रो पटक अध्यक्ष बन्न बाटो खुला गरिसकेको छ।
Leave a Reply