काठमाडौं । नेकपा एमालेको सचिवालय बैठकमा अध्यक्ष केपी ओलीले पूर्वराष्ट्रपति विद्या भण्डारीको सक्रियताको विषयलाई प्रवेश गराएका छन् । च्यासलमा जारी बैठकमा अध्यक्ष भण्डारीको विषयमा कुरा राखेको सचिव योगेश भट्टराईले बताए ।
उनले भने, ‘अध्यक्षले त्यसविषयमा आवश्यक परे छलफल गरौँ भन्नुभएको छ । आजको बैठकमा भ्याइएन भनेपनि अर्को बैठकमा छलफल हुन्छ। यो पार्टीको छलफलको विषय भइसक्यो। छलफल गरेर टुङ्गो लाग्छ ।’
जिम्मेवारीबारे सोधिएको प्रश्नमा उनले थपे, ’अहिले हतार नगरौँ, समय छ नि ।’ उनले पार्टीमा सक्रिय हुनुको लक्ष्य र उद्देश्यबारे पार्टीमा भण्डारीले प्रस्ट पार्नुपर्ने भन्दै सम्मानजनक ढंगले व्यवस्थापन गर्ने पनि बताए । उनले सबै सेवा सुविधा त्यागेर आएपछि अध्यक्षले वार्ता गरेर उचित व्यवस्थापन पर्नुपर्ने बताए ।
एमालेको बैठक दिउँसो २ बजेबाट जारी छ ।
Leave a Reply