‘सायद-२’ का निर्माता सुभास लामिछानेको एनआरएन जापानको अध्यक्षमा उम्मेदवारी

काठमाडौं । चलचित्र ‘सायद-२’ का निर्माता समेत रहेका सुभास लामिछानेले गैराआवासीय नेपाली संघ (एनआरएन) जापानको अध्यक्ष पदका लागि उम्मेदवारी दिएका छन् । ‘जहाँ सुभास त्यहाँ सम्भव’ भन्ने नारासहित लामिछानेले एनआरएनको अध्यक्षयमा उम्मेदवारी दिएका हुन् ।

उम्मेदवारी दिएपछि उनले भने, ‘मेरो उम्मेदवारी फगत पद र प्रतिष्ठाको लागि मात्रै होइन, एनआरएनहरुको संस्थागत सुदृढिकरण, गैरआवासीय नेपालीका हकहित, अधिकारका लागि हो ।’

साथै नेपालको पर्यटन प्रवद्र्धन, अन्तर्राष्ट्रियय संघ संस्थासँगको सहकार्यलाई उच्च प्राथमिकता दिँदै वैदेशिक रोजगारीलाई सुरक्षित गराउनलाई समेत पहल गर्ने लामिछानेले बताए । उनले अन्तर्राष्ट्रिय श्रमबजारमा हासिल गरेको ज्ञान, सीप र पुँजीलाई स्वदेशको विकास र समृद्धिका निम्ति उपयोग गर्न सरकारसँग सहकार्यका गर्ने समेत बताए ।

लामिछाने सगैं एनआरएन जापान उपाध्यक्ष सिद्धार्थ श्रेष्ठले पनि अध्यक्ष पदका लागि उम्मेदवारी दिएका छन् । लामिछाने पनि यसअघि एनआरएन जापानको उपाध्यक्ष नै थिए । पर्वतमा जन्मिएका लामिछाने सन् २००७ मा नै बिद्यार्थी भिसामा जापन गएका थिए । यसपछि ‘सायद २’ बनाएका उनी जापानमा व्यवसायमा सक्रिय छन् भने नेपालबाट नेपाली चलचित्र जापान लगेर प्रदर्शन गर्ने व्यवसायमा पनि सक्रिय छन् ।

आउँदो जुलाई २० बाट एनआरएन जापानको महाधिवेसन सुरु हुँदैछ । महाधिवेशनमा १८ हजार ४३५ मतदाताले मतदान गर्नेछन् ।