बजगाईको चुनौती- रास्वपाका २० सांसदभन्दा म एउटैले धेरै कल्याणकारी काम गरेको छु

काठमाडौं । नेपाली कांग्रेसका सांसद राजेन्द्र बजगाईंले रास्वपाका २० सांसदको तुलनामा आफू एक्लै कल्याणकारी काममा तल्लीन प्रतिनिधि भएको बताएका छन् ।

आइतबार मात्रै रास्वपाका विरुद्ध संसदमा बोलका उनले सोमबारको बैठकमा पनि विशेष समयमा बोल्न क्रममा रास्वपा केन्द्रित टिप्पणी गरेका हुन् ।

काग्रेस सांसद बजगाईले रास्वपाका १० सांसदको तुलनामा आफु एक्लै ठुलो कल्याणकारी काममा तल्लिन नयाँ प्रतिनिधि भएको दाबी गरेका छन् ।

उनले भने, ‘इंगित गरेरै भन्छु नयाँ मित्रहरु, म पुरानो पार्टीको, तपाई २० जना साथीहरुको तुलनामा एक्लै ठुलो कल्याणकारी काममा तल्लिन नयाँ प्रतिनिधि हु । म पनि नयाँ हु । तपाई र म मा मात्र मिल्ने विषय छ भने हामी नयाँ हौ ।’

काग्रेस सांसद बजगाईले नेपाल हस्तिनापुर नभएको बताउँदै रास्वपाका सांसदलाई धृतराष्ट्र भगवान मान्नुहुन्छ कि जैविक पिता प्रमाधिपति हुन् भन्दै प्रश्न गरेका छन् ।

उनले भने, ‘तर तपाईहरुले हामीलाई, देशलाई अस्थिरता र निराशामा धकेल्नुभयो भनिरहनुभएको छ । तर यहाँ निर मित्र हो यो राष्ट्रमा पाण्डव र कौरवहरु छन् तर यो हस्तिनापुर भने होइन । तपाईका भगवान धृष्टराष्ट्र हुन् वा जैविक पिताहरु प्रमाधिपति हुन्, को मान्नुहुन्छ ?’

सांसद बजगाईले पुर्पक्षमा थुनाका रहेका रबि लामिछाने अपराधिक मुद्दामा जेलमा रहे पनि अझैसम्म रास्वपाको अध्यक्ष कायम रहनुले सुधारको कुरा गर्ने पार्टीले आधारभूत जवाफदेहिता वेवास्था गर्नु दुखद भएको टिप्पणी गरे ।

उनले भने, ‘सहकारी ठगीको आरोपमा अदालतको पुर्पक्षमा थुनामा हुनुहुन्छ तपाईका नेता । मुक्त नभइसक्दा पोखराको जुलुसदेखि हस्ताक्षर अभियानसम्म सबै गैरकानुनी हो । यो अदालतको अवहेलना हो । फेरी यहाँ यदि कुनै पार्टी अध्यक्ष राजनीतिक कारणले जेलमा छन् वा निर्वासित छन् भने मात्र कार्यभाग जिम्मेवारी सुम्पिनु उचित हुन्छ । तर रास्वपाका अध्यक्ष अपराधिक मुद्दामा जेलमा छन्, त्यसपछि पनि उहाँकै अध्यक्षतामा अध्यक्षता कायम नै छ । सुधारको कुरा गर्ने पार्टीले यस्तो आधारभूत जवाफदेहिता वेवास्था गर्नु दुखद हो ।’

सांसद बज्गाईले रास्वपाले अहिलेसम्म देश निर्माणको स्पष्ट योजना नभएको बताउँदै लगाउँदै मात्रै सत्तामा आफ्नो पार्टीका परिवारका सदस्यलाई थुन्ने षड्यन्त्रमै खर्चिएको आरोप लगाए । साथै उनले रास्वपा प्रपोगाण्डामै व्यवस्थ भएको बताए ।

उनले भने, ‘अहिलेसम्म तपाईहरुको तर्फबाट हामीसँग देश निर्माणको यस्तो योजना छ भन्ने कुनै स्पष्ट बहस देखिएको छैन । मात्र सत्तामा हाम्रो पार्टीका परिवारका सदस्यलाई थुन्ने षडयन्त्रमै खर्चिनु भयो, हिजोको सत्ता आरोहण गर्दैगर्दैको परिस्थितिमा । अहिले पनि प्रोपगाण्डामै व्यस्त हुनुहुन्छ ।’

सांसद बजगाईले पर्ख २०८४ मा देखाउँछौ भनेर रास्वपाले प्रतिशोधको भाषा प्रयोग गरेको भन्दै यसले चरम राजनीतिक अतिवादतर्फ उन्मुख देखाइरहेको बताए ।

उनले भने, ‘तपाई ८४ भन्नुहुन्छ, तपाई निकै डेस्पिरेट हुनुहुन्छ पावरमा । नेपालको पोलिटिक्समा यस्तो पोलिटिक्स गरेर तपाईले नयाँ भनेर तपाईले आफुलाई चित्रित गर्न सक्नुहुन्न । बरु जुन भाषा प्रयोग गर्दै हुनुहुन्छ, पर्ख, २०८४ मा देखाउछौँ । यो प्रतिशोधको भाषा थियो । त्यो शैली चरम राजनीतिक अतिवादतर्फ उन्मुख देखिन्छ । यो प्रवृति मिश्रमा मुस्लिम ब्रदरहुडको जस्तै चरमपन्थी व्यवहारको झल्को दिन्छ, जुन लोकतान्त्रिक मूल्यमान्यतासँग मेल खाँदैन ।’

सांसद बजगाईले देशलाई अहिले बदलाको नभएर दिशा र दृष्टिकोणको खाचो रहेको भन्दै आफ्नो पार्टी नेपाली काँग्रेसबाट अनुसरण गर्न सुझाए । उनले भने, ‘देशलाई अहिले बदलाको होइन, दिशा र दृष्टिकोणको खाँचो छ र यो हामीबाट अनुसरण गर्नुपर्छ । हामी यहीबाट अनुसरण गरौँ ।’

बजगाईले प्रतिनिधि सभा सर्वोच्च लोकतान्त्रिक संस्था भएकाले संसदमा नीतिगत बहस र समाधानमुखीसंवाद हुनुपर्ने भए पनि पछिल्लो समय आलोचनाको स्तरमा गिरावट हुदै गएको बताए ।

उनले भने, ‘प्रतिनिधि सभा संविधानले सुनिश्चित गरेको हाम्रो सर्वोच्च लोकतान्त्रिक संस्थामा जहाँ नीतिगत बहस र समाधानमुखी संवाद हुनुपर्ने हो, पछिल्लो समय आलोचनाको स्तर, स्तरमा गिरावट हुदै गएको छ । रचनात्मक छलफल वा स्वस्थ हासो र व्यङ्गको एउटा व्यङ्गको सट्टा, एउटा व्यक्तिगत आक्षेप, विभाजनकारी भाषा र आरोप प्रत्यारोपको प्रवृति बढ्दो छ ।’