काठमाडौं । दोस्रो सिजनको एभरेष्ट महिला भलिबल लिगको अक्सन आउँदो साउन २ गते हुने भएको छ । आयोजक ईन्फिनिटी ड्रिम्सले आइतबार प्रेस विज्ञप्ती जारी गर्दै साउन २ गते काठमाडौंमा अक्सन गर्न लागिएको जनाएको छ ।
६ वटा फिन्चाइज टोली सहभागी यो लिगको अक्सन नेपाली महिला भलिबलको व्यावसायिक यात्रामा एक युगान्तकारी मोड सावित हुने आयोजकको विश्वास छ । उक्त टिममा टोलीले आफ्तो मजमुत टोली बनाउने अवसर पाउनेछन् । अक्सनमा कति खेलाडी सहभागी हुने, एक टोलीले कति खेलाडी खरिद गर्न पाउने भन्नेबारे खुलाइएको छैन ।
दोस्रो संस्करण एभरेष्ट महिला भलिबल लिग आगामी भदौ २० देखि २८ गतेसम्म हुने तालिका छ । लिगको पहिलो संस्करणमा मधेस युनाइटेड, चितवन शक्ति, काठमाडौँ स्पाइकर्स, ललितपुर क्विन्स, गण्डकी थन्डर्स र कर्णाली यश्विज सहभागी थिए । पहिलो संस्करणको फाइनलमा ललितपुरलाई हराउँदै कर्णालीले उपाधि जितेको थियो ।
Leave a Reply