एमालेले चाहे वामपन्थी एकता हुनसक्छ, विद्या भण्डारी नेतृत्वमा आउन खोज्नु सकारात्मक: झलनाथ खनाल (भिडिओ)

काठमाडौं । नेकपा एकीकृत समाजवादीका सम्मानित नेता झलनाथ खनालले विद्या भण्डारीले कम्युनिस्ट पार्टीहरूलाई एकताबद्ध बनाउने उद्देश्यले राजनीतिमा फर्किएको हो भने त्यसलाई सकारात्मक रूपमा लिनुपर्ने बताएका छन्।

चीन भ्रमणबाट फर्केपछि पत्रकार सम्मेलन गरेर बोल्दै भण्डारी एमालेको नेतृत्वमा आउने कुरालाई सकारात्मक रूपमा लिनुपर्ने बताए।

उनले भने, ‘सबैभन्दा ठुलो वामपन्थी समूह नेकपा एमाले नै। त्यो समूहले नै अरूलाई एकताबद्ध गर्न नचाहेकाले वामपन्थी आन्दोलन विभाजित अवस्थामा रहेको पनि सत्य हो। एमालेले वामपन्थी एकता गर्न चाहे ठुलो सङ्ख्याको एकता हुनसक्ने सम्भावना रहेको छ।’

अहिलेको नेतृत्वबाट वामपन्थी एकता सम्भव नभएको बताए।