काठमाडौं । भुटानले नेपाली भाषीहरुलाई लखेटेको क्षेत्र गेलेफु क्षेत्रमा अन्तराष्ट्रिय विमानस्थल बनाउने भएको छ । १३ लाख यात्रुहरु अटाउने गेलेफु अन्तर्राष्ट्रिय विमानस्थलको शिलान्यास भुटानी राजा जिग्मे केशर नाम्ग्याल वाङ्चुकले बुधबार उक्त विमानस्थलको शिलान्यास गरेका हुन् ।
विमानस्थलको भविष्यको क्षमता ५५ लाख यात्रुहरु हुने बताइएको छ । भुटानले दक्षिण एसिया र आसियान क्षेत्र जोड्ने भन्दै बनाउन लागेको गेलेफु क्षेत्रमा उक्त विमानस्थल बन्न लागेको हो ।
भुटानी अखबार कुन्सेलका अनुसार विमानस्थलमा वाइडबडी बोइङ ७३७ र एयरबस ए३२१ धान्न सक्ने क्षमताको हुनेछ भने रनवे तीन हजार मिटको लामो हुनेछ ।
गेलेफुलाई माउन्डफुलनेस सहर भन्दै बनाउन खोजिएता पनि दशकौं अगाडि नेपाली भाषी भुटानीहरुको घरबास उठिबास लगाएर खेदेको क्षेत्र भएकोले नेपाली र विश्व मिडियामा यो आवाज अहिले पनि उठ्दै आएको छ ।
Leave a Reply