काठमाडौं । प्रधानमन्त्री केपी शर्मा ओलीले दशौं राष्ट्रिय खेलकुद आगामी मंसिरमा हुने बताएका छन् । सातदोबाटो एन्फा कम्प्लेक्समा स्पोर्टस् साइन्स ल्याबको उद्घाटन गर्दै प्रधानमन्त्री ओलीले अब कुनै पनि हालतमा दशौं राष्ट्रिय खेलकुद नसर्ने बताएका हुन् ।
‘राष्ट्रिय खेलकुद मंसिर मै हुनुपर्छ । म मन्त्रालय लगायत सबैलाई भन्न चाहन्छु । अब पनि सार्नु भनेको राष्ट्रिय लज्जाको विषय हुन्छ । त्यहाँ कुनै ‘इक्स्क्यूज’ छैन । त्यो हुनै सक्दैन’, उनले भने, ‘अब समय सारिन्न । तोकिएको समयमा मंसिरमा राष्ट्रिय खेलकुदको आयोजना हुनेछ ।’
दशौं राष्ट्रिय खेलकुद तेस्रो पटक मिति सार्दा पनि हुन सकेको छैन । सुरुमा २०८१ मंसिरमा दशौं खेलकुद गर्ने निर्णय भएको थियो । तर, तयारी नपुगेको भन्दै २०८१ चैतमा सारियो । उक्त समयमा पनि हुन सकेन ।
पुनः जेठमा गर्ने गरी मिति तोकियो । प्रतियोगिताका लागि कर्णाली प्रदेशमा सम्पर्क कार्यालय खोलिए पनि अन्तिम समयमा आएर प्रतियोगिता स्थगित गरियो । तेस्रो पटक स्थगित दशौं राष्ट्रिय खेलकुद कहिले हुने मिति तोकिएको छैन ।
Leave a Reply