काठमाडौं । नेपाल प्रिमियर लिग (एनपीएल) को एक फ्रेन्चाइज काठमाडौं गोर्खाजले हाइ प्रोफाइल प्रशिक्षक भित्र्याउने भएको छ । नेपाली राष्ट्रिय टीमका पूर्व प्रमुख प्रशिक्षक मोन्टी देसाईले एनपीएलको दोस्रो संस्करणमा काठमाडौं गोर्खाजलाई प्रशिक्षण दिने भएका हुन् ।
आज ६ बजे साँझ मोन्टीको नाम घोषणा गर्ने तयारी उक्त फ्रेन्चाइजले गरेको छ । उनको नियुक्ति प्रक्रिया लगभग टुंगिएको स्रोतले जानकारी दियो । काठमाडौं गोर्खाजको फेसबुक पेजमा पनि यसको संकेत गरिएको छ ।
करण केसी मार्की खेलाडी रहेको काठमाडौं गोर्खाज एनपीएलको पहिलो संस्करणमा पाचौं स्थानमा रहेको थियो ।
Leave a Reply