काठमाडौं । काठमाडौं जिल्ला अदालतले तीनकुने घटनामा संलग्न फरार अभियुक्त सतीश न्यौपानेलाई पुर्पक्षका लागि थुनामा पठाउने आदेश दिएको छ ।
न्यायाधीश बालकृष्ण वाग्लेको इजलासले न्यौपानेलाई पुर्पक्षका लागि थुनामा पठाउने आदेश दिएको हो ।
न्यौपानेलाई राज्यद्रोह, आपराधिक उपद्रव र संगठित अपराधसँग सम्बन्धि कसुर मुद्दामा पुर्पक्षका लागि जिल्ला कारागार, डिल्लीबजार पठाउन आदेश दिइएको काठमाडाैं जिल्ला अदालतले जानकारी दिएकाे छ ।
बिनञ्जय थापा र राजेन्द्र जीसीसँग १५/ १५ हजार रुपैयाँ धरौटी माग गरेकाे छ ।
उनीहरु तीनै जना तीनकुने प्रदर्शनपछि फरार भएका थिए । फरार तीनैजना आज अदालतमा उपस्थित भएका थिए । उनीहरूविरूद्ध राजद्रोह, आपराधिक उपद्रव र संगठित अपराध कसुरमा मुद्दा दायर भएको थियो।
Leave a Reply