काठमाडौं । अखिल नेपाल फुटबल संघ (एन्फा) का प्राविधिक निर्देशक हरि खड्काले टोलीको कप्तान छान्ने जिम्मेवारी प्रशिक्षकको हुने बताएका छन् ।
बुधबार काठमाडौंमा आयोजित पत्रकार सम्मेलनमा निर्देशक खड्काले कप्तान छान्ने सम्पूर्ण अधिकार प्रशिक्षकलाई हुने बताएका हुन् ।
नेपाली टोलीको कप्तान सावित्रा भण्डारी साम्बाले निरन्तरता पाउँछिन् भन्ने प्रश्नमा निर्देशक खड्काले भने, ‘त्यो कोचमा भर पर्ने कुरा हो । कोचको जिम्मेवारी हो त्यो, तर एफएसँग समन्वय गरेर ।’
इलिजेबल र लिड गर्ने क्षमताका आधारमा प्रशिक्षकले कप्तान छान्ने निर्देशक खड्काले बताए ।
‘को इलिजेबल छ, कसले टीमलाई लिड गर्नसक्छ, त्यो कोचले छान्ने हो’, उनले भने, ‘उहाँ आउनुभयो भने साम्बालाई नै निरन्तरता दिन सक्नुहुन्छ । अरु आउनुभयो भने अरुलाई इलिजेबल देख्न सक्छन् या साम्बालाई नै पनि देख्न सक्छन् ।’
Leave a Reply