प्रशिक्षकले एक महिना नपुग्दै मेरो तलब कहिले आउँछ, एफएलाई भन्देउ न भन्नुहुन्थ्योः सरिला श्रेष्ठ (भिडिओ)

काठमाडौं । उज्बेकिस्तानमा आयोजित एएफसी महिला एसियाली कप छनोटमा भएको विवाद सतहमा आएको छ ।

मुख्य प्रशिक्षक प्याट्रिक डे वाइल्डले केहि दिनअघि एक अन्तर्वातामा एन्फा, टिम व्यवस्थापकलाई विभिन्न आरोप लगाएका थिए ।

एन्फा कार्यकारी समिति सदस्य सरिला श्रेष्ठसहितको टोलीले पत्रकार सम्मेलन गर्दै प्रशिक्षक वाइल्डकै कारण टोलीमा विवाद आएको दाबी गरेका छन् । कार्यकारी समिति सदस्य श्रेष्ठले प्रशिक्षक वाइल्डले एक महिना नपुग्दै तलब कहिले आउँछ भनेर भन्ने गरेको आरोप लगाइन् ।

‘उहाँले हामीलाई जतिखेर पनि मेरो स्यालरी कहिले आउछ । मेरो स्यालरी भन्देउ न एफएलाई भन्थ्यो । उहाँले जम्मा कति गर्नुभएको छ ट्रेनिङ। तपाईं आफैलाई थाहा छ काउन्ट गर्नु,’ उनले भनिन्, ‘जसले पनि काम गर्दा एक महिनापछि स्यालरी पाउछ नि । जादा साथ कसैले पनि स्यालरी पाउँदैन ।’

वाइल्ड गत जेठ २२ गते नेपाली महिला फुटबल टोलीको मुख्य प्रशिक्षक नियुक्त भएका थिए ।