स्पाइनल कर्ड इन्जुरी भएकालाई वरदान सावित हुने नयाँ अनुसन्धान, मुसामा भएको प्रयोग सफल (भिडियाे)

स्पानइल कर्डको इन्जुरीलाई निको बनाउन सक्ने एउटा नयाँ ऐतिहासिक अध्ययन सार्वजनिक भएको छ । मानिसको ढाडमा मस्तिष्कदेखि कम्मरसम्म एउटा नसा हुन्छ जसलाई स्पानइल कर्ड भनिन्छ जसमा विभिन्न कारण जस्तैः एक्सिडेन्ट, वा अन्य कारणले उक्त नसामा आएको समस्यालाई स्पानइल इन्जुरी भनिन्छ ।

जसमा चोट भएको ठाउँभन्दा तलपट्टिको भाग नचल्ने गरी प्यारालाइसिसलगायतका लक्षण हुन्छन् । निको नहुने कडा रोगको रुपमा रहेको स्पानइल कर्ड इन्जुरीबारे नयाँ अनुसन्धानको नतिजा रोचक छ ।

न्यूजील्याण्डको अकल्याण्ड युनिभर्सिटी र स्वीडेनको कालमर्स युनिभर्सिटीले गरेको अध्ययनमा मुसामा गरिएको प्रयोगले स्पानइल कर्डको इन्जुरीमा सकारात्मक काम गरेको पत्ता लागेको थियो । नेचर कम्युनिकेशनमा प्रकाशित उक्त अध्ययन एक ऐतिहासिक उपलब्धि भएको बताइएको छ । उक्त अनुसन्धानमा त्यस्तै प्यारालाइसिस भएको मुसामा स्क्रीनमा देखाएको जस्तै अल्ट्रा थिन इलेक्ट्रिक डिभाइस अनुसन्धानकर्ताहरुले विकसित गरे र मुसामा प्रयोग गरे ।

भिडियाे

जसले मुसाको प्यारालाइसिस भएको भाग चलाउन भूमिका खेलेको अनुसन्धान पत्रमा उल्लेख छ । उक्त अत्यन्तै सानो इलेक्ट्रिक चिप्सलाई मुसाको शरीरमा राखिएको थियो । जसले मुसामा नेचुरल इलेक्ट्रिकल सिग्नलको नक्कल गराउन मद्दत गर्यो । जसको अर्थ सामान्य तवरले काम गराउन मद्दत गर्याे ।

फलस्वरुप मुसामा केही हप्ताको उपचारपछि स्पाइनल कर्डमा थप कुनै ड्यामेजबिना गति र चाल उत्पन्न भएको थियो । अब अनुसन्धानको अर्को पाटोमा भने उपचारको प्रणाली, जस्तै स्ट्रेन्थ, फ्रिक्वेन्सी र समयबारे ध्यान दिइने अनुसन्धानमा संलग्न प्रोफेसर डा. ड्यारेन स्भर्किस र डा. ब्रुस हल्र्याण्डले बताए ।

अनुसन्धानअनुसार उक्त इलेक्ट्रिक डिभाइस भविष्यमा स्पानइल इन्जुरी भएका मानिसहरुमा समेत प्रयोग गर्न सकिनेतर्फ अध्ययन भइरहेको उल्लेख छ । त्यसो भएको खण्डमा उपचार नहुने समस्याको रुपमा रहेको स्पाइनल कर्ड इन्जुरीका समस्या भोग्ने मानिसहरुका यो रुपान्तरणकारी प्रविधि वरदान सावित हुने छ ।