काठमाडौं । नेकपा एकीकृत समाजवादीका नेता महेन्द्रबहादुर कार्की माओवादी केन्द्रमा प्रवेश गरेका छन् ।
शनिबार माओवादी निकट उद्योग व्यवासायी संगठनको कार्यक्रममा दोलखाका प्रतिष्ठित व्यवसायी तथा वामपन्थी नेता कार्कीलाई अध्यक्ष प्रचण्डलगायतका नेताले स्वागत गरे ।
पेशाले इन्जिनियर रहेका कार्की तत्कालीन नेकपा एमालेलाई दोलखामा स्थापित गर्नेमध्येका एक नेता हुन् । उनी २०५६ सालमा एमाले विभाजनपछि नेकपा मालेबाट सांसद पदको उम्मेदवारसमेत भएका थिए ।
एमाले विभाजनपछि उनी माधव नेपाल पक्षमा लागेर नेकपा एसमा थिए । कार्की २०२३ सालदेखि वामपन्थी आन्दोलनमा संलग्न रहेको भन्दै माओवादी नेताहरुले उनको प्रवेशलाई महत्व दिएका छन् ।
Leave a Reply