संसदमा बोल्दै गृहमन्त्री, रास्वपा र राप्रपाका सांसद शान्त

काठमाडौं । प्रतिनिधि सभाको बैठकमा भिजिटि भिसा प्रकरणबारे सांसदहरूले उठाएको प्रश्नको जवाफ गृहमन्त्री रमेश लेखकले दिएका छन्। अहिले उनी बैठकमा बोलिरहेका छन्।

बैठक सुरु हुनासाथ रास्वपा र राप्रपाका सांसदहरू उठेर अवरोध जनाएको भए पनि सभामुखले गृहमन्त्रीलाई बोल्न दिएपछि अहिले बसेका छन्।

हिजो सरकारले पूर्वमुख्य सचिव शंकरदास वैरागीको नेतृत्वमा छानबिन समिति बनाउने निर्णय गरेको थियो। उनले दुई बुँदे सहमति अनुसार नै सरकारले हिजो गठन गरेको बताए।