काठमाडौं । एसीसी यू-१६ इस्ट जोन क्रिकेटमा नेपालले जापानलाई ८० रनमा रोकेको छ ।
टस जितेर पहिला ब्याटिङ गरेको जापान ३४ ओभर ३ बलमा ८० रनमा समेटियो । जापानका कप्तान चार्ली हाराहिन्जले सर्वाधिक ३६ रन बनाए । अन्य ब्याटर क्रीजमा टिक्न सकेनन् ।
जापानलाई सस्तोमा समेट्न नेपालका शुभम खनाल एक्लैले ५ विकेट लिए । १० ओभर बलिङ गरेका शुभमले १५ रन दिएर ५ विकेट झारे । अभय यादवले २, सुशील रावल र विपिन प्रसाद शर्माले १-१ विकेटको योगदान दिए ।
आफ्नो पहिलो खेलमा नेपालले सिंगापुरलाई ५ विकेटले हराएको थियो ।
Leave a Reply