काठमाडौं । फिफा क्लब वर्ल्ड कप २०२५ अन्तर्गत इंग्ल्याण्डका युवास्टार जुड वेलिंघमले अमेरिकी फुटबल मैदानको गुणस्तरप्रति आलोचना गरेका छन् । उनले अमेरिकी फुटबल मैदानलाई ‘खेलका लागि अनुपयुक्त’ रहेको भन्दै सार्वजनिक रुपमा असन्तुष्टि व्यक्त गरेका छन् ।
उनले एक अन्तर्वार्तामा भनेका छन्, ‘फुटबल मैदान अपेक्ष गरेभन्दा धेरै खराब छन् । बलको गति अनपेषित छ । यस्तो मैदानमा खेल्दा खेलाडीहरुमा चोटपटक लाग्ने जोखिम धेरै हुन्छ । यस्तो ठूलो प्रतियोगिता यस्ता मौदानमा गरिनु राम्रो होइन ।’
फिफाको आयोजनामा हुने क्बलस्तरीय विश्वकै प्रतिष्ठित प्रतियोगिता यस वर्ष अमेरिकामा आयोजना भइरहेको छ । त्यहाँ अधिकांश खेलहरु अमेरिकी नेशनल फुटबल लिग (एनएफएल)का खेलहरु हुने मैदानमा खेलाइएको छ । रग्बी फुटबल खेलाइने मैदानमा कृतिम घाँस तथा हालसालै बिछ्याइएको टर्फ प्रयोग गरेर खेलहरु खेलाइने गरेको छ ।
यस्तो ठाउँमा फुटबल खेल्दा खेलाडीहरु चिप्लिने, बललाई राम्रोसँग नियन्त्रण गर्न नसक्ने र घाइते हुने सम्भावना बढेर जाने विज्ञहरुले बताएका छन् ।
बेलिंघमको टिप्पणीसँगै अन्य खेलाडी र प्रशिक्षकहरुले पनि मैदानको आलोचना गरेका छन् । कतिपय टोलीहरुले फिफामै गुनासो गर्दै मैदान सुधार्न आग्रह समेत गरिसकेका छन् ।
खेलाडी र प्रशिक्षकले मैदानको आलोचना गरेपछि फिफाका प्रवक्ताले भनेका छन्, ‘हामी मैदानको गुणस्तरको निरन्तर मुल्यांकन गरिरहेका छौं । खेलाडीहरुको सुरक्षा र खेलको स्तर हाम्रो मुख्य प्राथमिकता हो ।’
खेल विश्लेषकका अनुसार अमेरिकाको मैदानहरु फुटबलको तुलनामा एनएफएल र बेसबलका लागि केन्द्रित रहेका बनाइएका हुँदा समस्या देखिएका हुन् । ३२ टोली सहभागी फिफाको महत्वकांक्षी क्लब विश्वकपमा पुरस्कार राशी नै एक बिलियन अमेरिकी डलरको छ । उपाधि जित्ने क्लबले मात्रै एक सयदेखि एक सय २५ मिलियन डलरसम्म लैजानेछन् ।
यो प्रतियोगितालाई विश्वव्यापी बनाउन फिफाले सम्पूर्ण शक्ति खर्चिए पनि दर्शकको नै खडेरी पर्दै आएको छ । दर्शकको खडेरीसँग जुधिरहेको वेला स्टार खेलाडीले मैदानको आलोचना गरिदिँदा फिफालाई गाह्रो भएको देखिन्छ ।
Leave a Reply