काठमाडौं । ब्याडमिन्टन ट्यालेन्ट हन्टको दोस्रो संस्करण यस वर्ष समेत सञ्चालन हुने भएको छ ।
नेकपा (माओवादी केन्द्र) निकट अखिल नेपाल ब्याडमिन्टन संघको आयोजनामा असारको दोस्रो साता काठमाडौंमा ट्यालेन्ट हन्ट कार्यक्रम सञ्चालन गर्न लागिएको हो ।
नेपाल ब्याडमिन्टन संघको प्राविधिक सहयोगमा सञ्चालन हुने कार्यक्रम असार १० देखि १२ गतेसम्म काठमाडौंमा हुनेछ । कार्यक्रमका लागि असार ७ गते देखि देशैभरका विद्यालयबाट खेलाडीहरु छनोट गरिनेछ ।
छनोटबाट आएका खेलाडीलाई समावेश गरेर असार १० देखि १२ गतेसम्म काठमाडौंमा वरियता प्राप्त खेलाडी समेत सहभागी हुने ट्यालेन्ट हन्ट प्रतियोगितामा सहभागी गराईने र सहभागी मध्य उत्कृस्ट १ केटा र १ केटि लाई हन्टेट ट्यालेटको रुपमा घोषणा गर्ने आयोजक संस्थाका महासचिब बेनुप खत्रीले जानकारी दिए ।
ब्वाईज र गल्स दुई विधामा सञ्चालन हुने कार्यक्रममा यू–१३, यू–१५ र यू–१७ स्पर्धालाई समावेश गरिएको छ । प्रत्येक खेलाडिले अधिकतम २ ईभेन्टसमा मात्र सहभागि हुन पाउने छन्। प्रत्येक ईभेन्टसमा विजेताले १५ हजार, ट्रफि, मेडल र प्रमाणपत्र , दोस्रोले १० हजार , मेडल, प्रमाणपत्र र तेस्रोले ५ हजार रुपैयाँ , मेडल र प्रमाणपत्र प्राप्त गर्ने आयोजकले जनाएको छ । ईच्छुक खेलाडीले प्रत्यक ईभेन्टसमा ५ सय शुल्क तिरेर नाम दर्ता गर्न सक्नेछन् ।
अध्यक्ष तिलक पाण्डेले भने ‘यो कार्यक्रम केवल प्रतियोगिता होइन—यो हो भविष्यका च्याम्पियनहरूलाई चिनाउने र उनीहरूलाई राष्ट्रिय तथा अन्तर्राष्ट्रिय स्तरमा उडान भर्न प्रेरित गर्ने यात्रा। । नयाँ प्रतिभा खोज्ने अवसर दिने उद्धेश्यले ट्यालेन्ट हन्टको दोस्रो सिजन सुरु गरिएको छ।
Leave a Reply