काठमाडौं । फ्रान्सका सुपरस्टार फुटबल खेलाडी किलियन एम्बाप्पे उपचारपछि अस्तालबाट डिस्चार्ज भएका छन् । उनी ग्यास्ट्रोएन्टेराइटिसको उपचारपछि डिस्चार्ज भएका हुन् ।
ज्वरो आएपछि उनले गत मंगलबार रियल म्याड्रिडको प्रशिक्षण छुटाएका थिए । २६ वर्षीय फ्रान्सको राष्ट्रिय फुटबल टोलीका कप्तान उनले गत बुधबार सम्पन्न फिफा क्लब विश्वकप अन्तर्गत रियल म्याड्रिडको खेलमा समेत अनुपस्थित थिए । उक्त खेलमा रियल म्याड्रि साउदी क्लब अल हिलालसँग १–१ को बराबरीमा रोकिएको थियो ।
ग्यास्ट्रोएन्टेराइटिस आन्द्रामा लाग्ने एक प्रकारको संक्रमण हो, जसले बान्ता गराउने र पखाला निम्त्याउने गर्छ । यही समस्याका कारण उनी गत बुधबार अस्पताल भर्ना भएका थिए ।
अब एम्बाप्पेले आइतबार रियलले बिएसटीमा पाचुकाविरुद्ध खेल्नेछन् । तर, उनी खेल्नका लागि फिट हुन सक्छन् या सक्दैनन्, यकिनका साथ भन्न सकिने अवस्था भने छैन । यद्यपि एम्बापे प्रशिक्षण कम्प्लेक्समा फर्किएको रियलले विज्ञप्ती जारी गरेर बताएको छ ।
Leave a Reply