काठमाडौं । रास्वपाका प्रवक्ता मनिष झाले निजामती विधेयकमा सत्तारुढ दलमा नै एकमत नभएपछि निलो रिबनलाई देखाएर रोकिएको दाबी गरेका छन्।
संसद् भवन परिसरमा सञ्चारकर्मीसँग कुरा गर्दै बहानाको रूपमा मात्रै निलो रिबन देखाएर मंगलबार सदन स्थगित गरेर पछि नराखेको बताए।
उनले भने, राज्यव्यवस्था समितिका सभापतिले नै संसद्को रोष्ट्रममा आएर बोलिसक्नुभयो। उहाँहरूबिच मतभेद भएर त्यो रोकियो, एउटा पार्टीले कुलिङ पिरियड मान्छु भन्यो, अर्कोले मान्दिनँ भन्यो, कर्मचारीले घरदैलो गरेर देउसी भैलो खेले थर्काए, अहिले रिबनको बहानामा रोक्नुभयो। त्यसैले उहाँको नियतमा प्रश्न छ।
उनले संघीय निजामती विधेयक निर्माणमा आफ्नो पार्टीको भूमिका रहेका भन्दै आफूहरू बाधक नभएको बताए।
Leave a Reply