सीडीओसहित गृह मन्त्रालयका २१ सहसचिव सरुवा, को कहाँ पुगे ? (सूची)

काठमाडौं । गृह मन्त्रालयले विभिन्न जिल्लाका प्रमुख जिल्ला अधिकारीसहित २१ जना सहसचिवको सरुवा र पदस्थापन गरेको छ । लामो समयदेखि गृहका सहसचिव जिम्मेवारीविहीन भएका थिए ।

लामो समयदेखि मन्त्रालयको बरण्डामा रहेका सहसचिवलाई गृहमन्त्री रमेश लेखकले मन्त्रीस्तरीय निर्णय गर्दै मंगलबार जिम्मेवारी दिएका हुन् ।

केही दिनअघि मात्रै नेपाल प्रेसले १२ जना सहसचिव मन्त्रालयको बरण्डामा भन्दै समाचार प्रकाशन गरेको थियो । समाचार प्रकाशित हुँदाका बखत बरण्डामा रहेका अधिकांश सहसचिवलाई मन्त्रालयले जिम्मेवारी दिएको छ ।