योगेशको टिप्पणी- नेतृत्वबिनाको रास्वपा बादलभित्रको कागजस्तो (भिडिओ)

काठमाडौं । नेकपा एमालेका सचिव योगेश भट्टराईले संसदभित्र रास्वपा नेतृत्वविहीन अवस्थामा देखिएको टिप्पणी गरेका छन् ।

आइतबार संसद भवन नयाँ बानेश्वरमा सञ्चारकर्मीसँग कुरा गर्दै भट्टराईले संसदभित्र रास्वपा नेतृत्वविहीन अवस्थामा देखिएको भन्दै उदेश्यविहीन र गन्तव्यविहीन अवस्थामा अवरोधमा सामेल भइरहेको टिप्पणी गरे ।

पार्टी नेतृत्वविहीन भएपछि रास्वपा बादलभित्र उडिरहेको कागजस्तो देखिएको उनको आरोप छ । भट्टराईले भिजिट भिसा प्रकरणमा रास्वपाको मागबमोजिम छानबिनको सुनिश्चितताको ग्यारेन्टी गर्दा पनि अचानक पछाडि हटेको बताए ।

उपयुक्त परिपक्व संसदीय अभ्यास नदेखाएकाले रास्वपाभित्र यसको पुनर्विचार हुने उनको जिकिर थियो ।