काठमाडौं । प्रतिनिधिसभाको बैठक बस्नुअघि नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले विपक्षी दलसँग छलफल गर्दैछन् । भिजिट भिसा प्रकरणमा एउटै धारणा बनाएर सहमतिको प्रयास गर्ने प्रयासमा प्रचण्ड लागेका छन् ।
सहमतिको खोजी गर्दै आफूहरू अहिले विभिन्न कोणबाट छलफलमा केन्द्रित रहेको माओवादीका प्रमुख सचेतक हितराज पाण्डेले बताए । उनका अनुसार छलफल सकारात्मक भएपनि निचोड निस्किएको छैन ।
हिजो माओवादी केन्द्रले अघि सारेको दुई बुँदे प्रस्तावमा कांग्रेस र एमालेले समर्थन जनाइसकेका छन् । माओवादी र नेकपा एकीकृत समाजवादी गृहमन्त्री रमेश लेखकमाथि छानबिनबाटै ब्याक भएर सदन खुलाउन तयार भएको छ ।
तर, रास्वपाले भने गृहमन्त्रीको भूमिका शंकास्पद देखिएको भन्दै छानबिन गर्नुपर्ने अडान कायमै राखेकाले एउटै धारणा बन्न सकेको छैन । आज विपक्षीको समाधान धारणा बनाउन प्रतिनिधि सभाको बैठक बस्नुअघि विपक्षी छलफलमा छन् ।
Leave a Reply