हिमालयन बैंकको न्यूरोड शाखा- २ ठमेलमा स्थानान्तरण, आजैदेखि सेवा सुरु

काठमाडौं । हिमालयन बैंक लिमिटेडले नजिक भएका शाखा सञ्जालहरुमध्ये न्यूरोड शाखा- २ लाई काठमाडौं महानगरपालिका– २७ ठमेलस्थित सञ्चय कोष भवनमा स्थानान्तरण गरेको छ ।

स्थानान्तरण भएको शाखा ठमेल शाखा नामबाट जेठ २५ गतेदेखि सम्पूर्ण बंैकिङ सेवा प्रदान गर्ने गरी संचालनमा ल्याइएको छ । बैंकका प्रमुख कार्यकारी अधिकृत अशोकशमशेर राणाले अन्य उच्चपदस्थ कर्मचारीहरु तथा अतिथिहरुको उपिस्थतिमा उक्त शाखाको शुभारम्भ गरेका हुन् ।

हाल बैंकले नेपालभर फैलिएका १७४ शाखा कार्यालय, २० विस्तारित काउन्टर, २८६ एटीएम, ८ हजारभन्दा बढी पीओएस टर्मिनलस् र १५ हजारभन्दा बढी विप्रेषण भुक्तानी केन्द्रहरुबाट आफ्ना ग्राहकहरुलाई विभिन्न बैंकिङ सेवा प्रदान गर्दै आएको बैंकका प्रेस तथा जनसम्पर्क अधिकृत शितल कोइरालाले जानकारी दिए ।