काठमाडौं । रुसले बेलायती संस्था ब्रिटिस काउन्सिल बन्द गरेको छ । पूर्व सोभियत संघ मुलुकहरुमा रुसी भाषीहरुलाई दमन गर्ने, रुसी पहिचान नस्ट गर्ने र कर छल्ने लगायतका विभिन्न मुद्दामा ब्रिटिस काउन्सिल बन्द हुने भएको हो ।
रुसी विश्व च्यानल आरटीका अनुसार स्वतन्त्र संस्था भन्ने तर बेलयत सरकारको रकम लिएर बेलायती स्वाथ्र्यमा काम गर्ने पनि रुसले आरोप लगाएको छ ।
रुसमा लैगिंक अल्पसंख्यकहरुलाई प्रोत्साहन गरेको पनि ब्रिटिस काउन्सिललाई आरोप लागेको छ । सन् २००७ मै रुसले काउन्सिललाई मस्को बाहिरका कार्यालय कर छलिका मुद्दा देखाएर बन्द गर्न उर्दी गरेको थियो भने सन् २०१८ मा रुसमा कुनै गतिविधीहरु नगर्न भनिएको थियो ।
रुसले पश्चिमा गैरसरकारी संस्थाहरु बन्द गरेको यो पहिलो उदाहरण भने होइन । यस अगाडी एमनेस्टी इन्टरनेसनल लगायतका संस्थाहरु पनि बन्द गरिसकेको छ । ओपन सोसाइटी नामक जर्ज सोरसको संस्था बन्द गर्ने पहिलो चरणका देशहरुमा रुस पनि एक थियो ।
Leave a Reply