अमेरिका प्रवेशमा १२ देशका नागरिकलाई ट्रम्पको प्रतिबन्ध

काठमाडौं । अमेरिका पुग्न विभिन्न १२ देशका नागरिकहरूलाई राष्ट्रपति डोनाल्ड ट्रम्पले प्रतिबन्ध गरेका छन् । बेलायती विश्व च्यानल बीबीसीका अनुसार ट्रम्पले यही जुन ९ अर्थात् जेठ २६ गतेबाट यस्तो नियम लागू गर्ने भएका छन् ।

ट्रम्पले प्रतिबन्ध लाएका देशहरूमा अफगानिस्तान, म्यानमार, चाड, कंगो, सोमालिया, इक्वेटरियल गिनी, इरिट्रिआ, हाइटी, इरान, लिबिया, सुडान र यमन छन् । यस्तै आंशिक प्रतिबन्ध लाएका देशहरू पनि ट्रम्पको सूचीमा छन् ।

ती देशहरूमा बुरुण्डी, क्युवा, भेनेजवेला, लाओस्, सिरिआलेओन, टोगो, तुर्किमिनिस्तान छन् । ती देशहरू आतंकवादको अखडा भएको भन्दै राष्ट्रिय सुरक्षाको लागि प्रतिबन्ध लगाएको ट्रम्पको दाबी छ ।