काठमाडौं । सदनको जारी अवरोध हटाउन नेपाली कांग्रेस र राष्ट्रिय स्वतन्त्र पार्टी (रास्वपा)का नेताहरूबीच छलफल भएको छ । संसद् भवनस्थित शंकर हलमा भएको दुई दलका नेताहरूबीचको छलफल बिना निष्कर्ष टुङ्गिएको छ ।
छलफलमा कांग्रेसबाट उपसभापति पूर्णबहादुर खड्का, महामन्त्री गगन थापा र प्रमुख सचेतक घिमिरे सहभागी थिए भने रास्वपाबाट उपसभापति डा। स्वर्णिम वाग्ले र प्रमुख सचेतक सन्तोष परियार सहभागी थिए ।
दुई दलबीच सदनको अवरोध हटाउने विषयमा छलफल भएको कांग्रेसका प्रमुख सचेतक घिमिरेले बताए । दुवै तर्फबाट आआफ्नो कुरा राखेको भएपनि कुनै सहमति नबनेको उनले बताए ।
भिजिट भिसा प्रकरणमा जोडिएका गृहमन्त्री रमेश लेखकको राजीनामा, उच्चस्तरीय छानबिन समिति बन्नुपर्ने रास्वपाको अडान छ । त्यसमा माओवादीसहित विपक्षी दलको साथ छ । तर सत्तापक्ष भने गृहमन्त्रीले सदनमा बोल्न पाउनुपर्ने र कुनै समिति नबनाउने पक्षमा उभिएपछि सहमति बन्न सकेको छैन ।
Leave a Reply