भोजपुरमा ‘अखिल आइकन’ को तयारीमा अनेरास्ववियू- वक्तृत्वकला गरिँदै

भोजपुर । नेकपा एसनिकटको विद्यार्थी संगठन अनेरास्ववियूले यही जेठ ३० गते जिल्लास्तरीय वक्तृत्वकला प्रतियोगिता गर्ने भएको छ ।

‘अखिल आइकन २०८२’ नाम दिइएको वक्तृत्वकलाको विषय भने ‘भोजपुरको शिक्षाको अवस्था : चुनौती र सुधारको उपाय’ राखिएको छ ।

मंगलबार पत्रकार सम्मेलन गर्दै अनेरास्ववियूले वक्तृत्वकला प्रतियोगिताको तयारी र उद्देश्यबारे जानकारी गराएको छ ।

अनेरास्ववियू भोजपुरका अध्यक्ष प्रकाशसिं राईले जिल्लाभरका माविलाई खबर गरिएको बताउँदै एक विद्यालयबाट ५ जनासम्म विद्यार्थी प्रतिस्पर्धी बन्नसक्ने बताए ।

सामुदायिक विद्यालयको गुणस्तरसमेत खस्किएको बेला आफूहरूले गर्न लागेको कार्यक्रमले नीति निर्माण तहमा सुधारका उपाय सुझाउने उनले विश्वास जनाए ।

वक्तृत्वकलाका प्रथम, द्वितीय र तृतीयलाई क्रमश: १५ हजार, १० हजार र ७ हजार नगदसहित मेडल दिइनेछ ।

प्रतिभा पहिचान सँगै विद्यार्थीको क्षमता विकासका लागि प्रतियोगिता गर्न लागिएको अध्यक्ष राईले बताए । अखिल आइकनको निरन्तरताका लागि अक्षय कोष स्थापना गर्ने अनेरास्ववियूको योजना छ ।