काठमाडौं । नेकपा माओवादी केन्द्रका अध्यक्ष पुष्पकमल दाहाल ‘प्रचण्ड’ ले प्रधानमन्त्री केपी ओली र कांग्रेस सभापति शेरबहादुर देउवालाई भेट्न जानुअघि नेकपा एसका अध्यक्ष माधव नेपाललाई भेटेका छन् । माओवादी संसदीय दलको बैठकलगत्तै प्रचण्डले सिंहदरबारमा नेपालसँग भेट गरेका हुन् ।
भेटमा माओवादी वरिष्ठ उपाध्यक्ष नारायणकाजी श्रेष्ठ र नेकपा एसका नेता प्रमेश हमाल पनि सहभागी थिए । माओवादीले गृहमन्त्रीले राजीनामा नदिएसम्म संसद नखोल्ने बताइसकेको छ ।
तर, नेकपा एसका वरिष्ठ उपाध्यक्ष राजेन्द्र पाण्डेले पार्टीबाट गृहमन्त्रीको राजीनामा माग्ने निर्णय नभएको र सदनमा बोल्न दिनुपर्ने बताएका छन् । यसबारे थप निर्णय गर्न भोलि विपक्षी दलको बैठक पनि बोलाइएको छ ।
Leave a Reply