काठमाडौं । भारतको सिक्किमले सन् २००१ बाट कंचनजंघा आरोहणलाई निषेध गरेको छ । निषेधको कारण पूजास्थलको रक्षा गर्ने कानूनलाई सक्रिय गरेर यस्तो बन्देज गरिएको थियो ।
अब नेपालबाट पनि यस्तो बन्द गर्न भारतमा लबिङ सुरु भएको छ । यसको नेतृत्व सिक्किम सरकारका मुख्यमन्त्री पीएस गोलेले लिएका छन् ।
गत मे २४ मा गोलेले संघ सरकारका गृहमन्त्री अमित शाहलाई पत्र लेखेर नेपालसँग कूटनीतिक पहल गरेर नेपालबाट पनि आरोहण बन्द गर्न आग्रह गरेको छ ।
आग्रहको तत्कालीन काराण भने अरुणान्चल क्षेत्रको एक आरोहण दलले नेपालबाट हिमाल आरोहण गरेको समाचारलाई लिइएको छ ।
सिक्किमबाट बन्द भएको र सिक्किमलाई पवित्र हिमाल भएको भन्दै नेपालबाट पनि बन्द गर्न आग्रह गरिएको भोइस अफ सिक्किमले उल्लेख गरेको छ ।
सिक्किम सरकारका अधिकारीहरुले एक पत्रकार सम्मेलन गरेर नेपालसँग कूटनीतिक पहल गर्न आग्रह गरेका छन् ।
Leave a Reply