नेताको मानमर्दन गरेको अदालतले ठहर गरेपछि बीबीसीले एक लाख यूरो तिर्नुपर्ने

काठमाडौं । इरिस नेता गेरी अ्याडम्सको मानमदर्न गरेको समाचार तथा डकुमेन्ट्री प्रकाशन तथा प्रशारण गरेको मुद्दामा बेलायती विश्व च्यानल बीबीसीले एक लाख यूरो क्षतिपूर्ति तिर्नुपर्ने भएको छ ।

बेलायती अखबार द गार्डियनका अनुसार अ्याडम्सले सन् २००६ मा बेलायती गुप्तचर निकायका एक व्यक्तिको हत्या गर्न आदेश दिएको भनेर समाचार प्रकाशन गरेको थियो । सन २०१६ मा एक आलेखमा पनि त्यही रटान लगाएको थियो ।

यही सबालमा हालिएको मुद्दामा यही शुक्रबार आयरल्याण्डको डब्लीन अदालतले गरेको फैसलाअनुसार एक लाख यूरो तिर्नुपर्ने भएको हो । फैसला आएसँगै ७६ वर्षका नेता अ्याडम्सले भनेका छन्, ‘मेरो विचारमा यो मुद्दा दायर गर्नुको प्रमुख कारण नै बीबीसीलाई सबक सिकाउन थियो ।’

बीबीसीले फैसलापछि आफ्नो सामग्रीमा यसलाई तथ्यभन्दा पनि दाबीको कोणमा प्रकाशन तथा प्रशारण गरेको भन्दै कुनै खराब नियत नभएको दाबी गरेको गार्डियनले उल्लेख गरेको छ ।