पोखरा । नेकपा एमालेका नेता महेश बस्नेतले राष्ट्रिय स्वतन्त्र पार्टी(रास्वपा) पार्टी नै ठगको संरक्षक भएको आरोप लगाएका छन् ।
पोखरामा राष्ट्रिय युवा संघका नवनिर्वाचित अध्यक्ष तथा पदाधिकारीले आयोजना गरेको पत्रकार सम्मेलनमा पूर्वमन्त्रीसमेत रहेका बस्नेतले सभापति रवि लामिछाने सहकारी ठग मात्र नभई पार्टी नै ठगको संरक्षक भएको आरोप लगाएका हुन् ।
‘रवि लामिछाने सहकारीको ठगमात्रै होइन की पार्टी नै ठगको संरक्षक हो,’ उनले भने । नेता बस्नेतले रास्वपामा अन्तर्राष्ट्रिय शक्तिको तागतमा हिड्ने पार्टी भएको समेत दाबी गरे ।
उनी भन्छन्, ‘मोहन थापा अमेरिकामा बसेर सबै सेटिङ गर्छन् भनेर मुकुल ढकाल भन्नुहुन्छ । अनि मोहन थापालाई गिरफ्तार गरेको छ । मोहन थापा जस्तो दुधले नुहाएको कोही छैन भन्नुहुन्छ । त्यही भएर ठगहरुलाई संरक्षण गर्न जन्मिएको अन्तर्राष्ट्रिय शक्तिको तागतमा हिड्ने पार्टी हो भनेर असंख्य हजार तर्क गर्न सकिन्छ ।’
एमालेले सम्बन्धित नेतालाई अनुसन्धानको दायरा र न्यायिक प्रक्रियामा लानु हुँदैन भएर कहिँ नबोलेको बस्नेतले बताए ।
Leave a Reply