काठमाडौं । राष्ट्रिय स्वतन्त्र पार्टी (रास्वपा) संसदीय दलको बैठक बोलाएको छ । रास्वपा संसदीय दलका उपनेता विराजभक्त श्रेष्ठको समन्वय आज ४ बजे बस्नेगरी बैठक बोलाएको प्रवक्ता मनिष झाले बताए ।
उनका अनुसार भिजिट भिसा प्रकरणमा जोडिएका गृहमन्त्री रमेश लेखकमाथि उठेको प्रश्न, पार्टीको आगामी दिनमा सदनमा निभाउनुपर्ने भूमिकाको बिषयमा छलफल हुनेछ ।
रास्वपाले गृहमन्त्री लेखकको राजीनामा मागेको छ । भोलि बस्ने प्रतिनिधि सभाको बैठक अवरोध गर्नेसम्मको चेतावनी रास्वपाले दिइसकेको छ । रास्वपा मात्रै नभई माओवादीसहित विपक्षी दलहरु भोलि सदनमा कडा रूपमा प्रस्तुत हुने रणनीति बनाउँदैछन् ।
Leave a Reply