संघीय लोकतान्त्रिक मोर्चाको बैठक- जनमतको कार्यालयमा पुगे उपेन्द्र पनि

काठमाडौं । संघीय लोकतान्त्रिक मोर्चाको बैठक अहिले जारी छ। जनमत पार्टीका अध्यक्ष डा. सिके राउतको अध्यक्षतामा बैठक बसिरहेको प्रवक्ता डा. शरद यादवले बताए।

उनका अनुसार बैठकमा पछिल्ला समसामयिक राजनीतिक घटनाक्रम, मोर्चाका आगामी कार्यक्रमलगायतको विषयमा छलफल चलिरहेको छ।

बैठकमा जनमतका अध्यक्ष राउतसहित जसपा नेपालका अध्यक्ष उपेन्द्र यादव, लोसपा अध्यक्ष महन्थ ठाकुर, राष्ट्रिय मुक्ति पार्टीका अध्यक्ष राजेन्द्र महतोलगायत सहभागी छन्।

उपेन्द्र र सिके राउतबीच पार्टी बाराबारको स्थिती थियो। तर, मधेशकेन्द्रित दलहरुबीच मोर्चा बनाउँदैगर्दा उनीहरुबीच केही सम्बन्धमा सुधार आएको बताइन्छ। आज बैठकमा सहभागी हुने उपेन्द्र जनमतकै कार्यालयमा पुगेका छन्।