नयाँ गभर्नरको नियुक्ति कानून विपरीतः ज्ञानेन्द्र शाही

काठमाडौं । राष्ट्रिय प्रजातन्त्र पार्टीका प्रमुख सचेतक ज्ञानेन्द्रबहादुर शाहीले नेपाल राष्ट्र बैंकको गभर्नर कानूनविपरीत नियुक्ति गरिएको जिकिर गरेका छन् । बुधबार अर्थ समितिमा बोल्दै उनले विश्व पौडेल गभर्नर बन्न अयोग्य रहेको दाबी गरे ।

उनले राष्ट्र बैंक ऐनमा गभर्नर बन्न कुनै पनि राजनीतिक पार्टीको सदस्य हुन नहुने व्यवस्था रहेको स्मरण गराए ।

गभर्नर पौडेलसँग मौद्रिक नीतिको ज्ञानसमेत नभएको भन्दै शाहीले पौडेलको पढाइ कृषि विषयमा रहेको टिप्पणी गरे ।